ఒక రోజు ఏలీయా ఎలీషాను తీసుకుని చాలాదూరం నడుచుకుంటూ వెళ్ళాడు. తానీ లోకం విడిచి వెళ్లాల్సిన రోజు వచ్చిందని ఏలీయాకు తెలుసు. ఏలీయాను పరలోకం తీసుకువెళ్లడానికి దేవుడు చాలా ప్రత్యేకమైన ఏర్పాట్లు చేశాడు. ఈ సంగతి తెలిసినప్పుడు ఎలీషా చాలా దుఃఖించాడు. ఏలీయా ఎక్కడికి వెళితే అక్కడికి ఆయననే అనుసరించాలనుకున్నాడు ఎలీషా. కాబట్టి వాళ్లిద్దరూ అలా చాలాదూరం వరకు నడుచుకుంటూ వెళుతూనే ఉన్నారు. వారు యోర్దను నదికి చేరుకున్నప్పుడు,ఏలీయా తన దుప్పిటి తీసుకుని దానితో నీళ్లను కొట్టాడు. హఠాత్తుగా, ఆ నదిలో ఉన్న నీళ్లు వెనక్కి వెళ్లిపోయాయి, గనుక ఏలీయా, ఎలీషా ఆరిన నేల మీద ఆ నదిని దాటారు.
2 రాజులు 2
-నవీన్ కుమార్ యెలుమర్తి -
